ശ്രീമതി ഗീത ടി.കെ
എച് .എസ്.എ . മലയാളം
ജി.വി .എച് .എസ് .എസ് വലപ്പാട്
എത്തേണ്ടിടത്തെത്തു വാനിനിയു -
മെത്രദൂരമുണ്ടെന്നു ചിന്തിച്ചിരിക്കവേ
കരാളമാം ഹസ്തങ്ങള്‍ നിന്നെ മുറുക്കി
ക്കൊണ്ടുപോയ് മൃത്യുവിന്‍ തീരങ്ങളില്‍ത്താഴ്തി
ചൂള മടിച്ചെത്തുന്ന തീവണ്ടിയില്‍
മംഗല്യസ്വപ്നങ്ങള്‍ നെയ്തുനീയിരിക്കവേ
"അറ്റകൈ " രൂപത്തില്‍
ക്ഷണം നിന്‍ കിനാവുകളറുത്തു
നിയമങ്ങളെല്ലാം കാറ്റില്‍പ്പറത്തി
ഇനിയും പിറക്കുമീ " മൃഗജന്മങ്ങള്‍ "
നിദ്രയകലുന്ന നിശബ്ദ യാമങ്ങളില്‍
നിന്‍മുഖമെന്നെയലോസരപ്പെടുത്തി -
ഒരുനൂറുചോദ്യങ്ങള്‍ നീയെന്നോടുചോദിക്കിലും
ആവതില്ലെനിക്കൊന്നിനും മറുപടിയോതുവാന്‍
ഒരായിരം വാര്‍ത്തകളിതുപോല്‍ വരുമ്പോള്‍
മറന്നുപോം മാനവരിതെല്ലാം ഞൊടിയിടെ
സത്യവും സഹനവു മഹിംസയുമെല്ലാം
മറന്നുപോയ്‌ മാമല നാട്ടുകാര്‍
നിനക്കായി നല്‍കാനശ്രുപുഷ്പാഞ്ജലി
യാല്ലതൊന്നു മില്ലെന്റെ കൈയ്യില്‍
സ്വര്‍ഗ്ഗഗേഹത്തില്‍ നിനക്കായ്‌
നേരുന്നു ശാന്തിയുമാത്മശാന്തിയും !
(തീവണ്ടിയാത്രയ്ക്കിടെ മാനഭംഗം ചെയ്യപെട്ട് മരണമടഞ്ഞ സൗമ്യയുടെ ആത്മശാന്തിക്കായൊരു ഗീതം )
4 അഭിപ്രായങ്ങൾ:
സൗമ്യ തിരിച്ചു വരില്ല...കാട്ടാള ഹൃദയന് കോടതി വധശിക്ഷ വിധിച്ചിരിക്കുന്നു...
കേരളം കാത്തിരുന്ന വിധി... ഉചിതമായ ശിക്ഷ...ഇനിയും സൌമ്യമാര് ആവര്ത്തിക്കപ്പെടരുത്...
ഒരമ്മയുടെ രോദനം ഈ കവിതയിലുണ്ട് -അല്ല അമ്മമാരുടെ.
ടീച്ചറുടെ കവിത നന്നായിട്ടുണ്ട് എന്ന് പറയുന്നതിനേക്കാള് സഹജീവിയോടുള്ള സ്നേഹത്താല് പിടയുന്ന ഒരു മനസ്സ് ഇതിലുണ്ട് എന്ന് പറയാനാണ് ഞാനാഗ്രഹിക്കുന്നത്...പണത്തിനു പിന്നാലെ പായുന്ന കറുത്ത കോട്ടിട്ട കഴുകന്മാര്ക്കും ഇതൊരു പാഠമാകട്ടെ... നിയമത്തിന്റെ പഴുതിലൂടെ ഇക്കൂട്ടര് രക്ഷപെടാതിരുന്നെങ്കില് .... നമുക്ക് പ്രാര്ഥിക്കാം . ..
സൌമ്യയും ഒരു കഥാപാത്രമായി.....വീട്ടില്‍ മകളായി വീട്ടുകാരുടെ കൂടെ ജീവിച്ചിരുന്ന സൌമ്യയും ഒരു കഥാപാത്രമായി............ഗോവിന്ദ ച്ചാമിയും ഈ കഥാപാത്ര രൂപത്തിലേക്ക് മാറിയേനെ....വിധി മറ്റൊന്നായിരുന്നുവെങ്കില്‍ ...................
സന്ദര്‍ഭോചിതം
പക്ഷെ കവിത നന്നായില്ല. സോറി
ഒരു അഭിപ്രായം പോസ്റ്റ് ചെയ്യൂ