"ജലം കലങ്ങിയിരിക്കുന്നു
ഒരല് പമകലെ നിന്നും കണ്ടെത്താം ഗുരോ" -
"കാത്തിരിക്കുക - പുഴയ്ക്കു തെളിയാതിരിക്കാനാവില്ലെന്നു" ബുദ്ധന്‍ !
ഇത് കേട്ട കഥ ....
*** ***
പ്രകൃതി നീ ശാന്ത സുന്ദരിയായ് ഒഴുകി ക്കൊണ്ടിരുന്നു ...
പക്ഷെ ഞങ്ങള്‍ അനുസ്യൂതം കലങ്ങിക്കൊണ്ടേയിരുന്നു ..
ജാതി മാറി , നിറം മാറി , അതിരുകള്‍ക്കിരുവശത്ത് നിന്നും-
മാറി മാറി ചോരയൊഴുക്കിയിട്ടും - പരസ്പരം -
മക്കളെക്കൊന്നു മാംസം തള്ളിയിട്ടും ---
കരഞ്ഞീല നീ പക്ഷെ !
പാല്‍ അമൃത് ചുരത്തും നിന്‍ സ്തനം --
ആസക്തി പൂണ്ടു തുരന്ന് ചോര വാറ്റിയെടുത്തിട്ടും -
കരഞ്ഞീല നീ പക്ഷെ !
നീണ്ടിട തൂര്‍ന്ന വാര്‍മുടി കെട്ടില്‍
നിന്നുയരുന്ന ഔഷധ സുഗന്ധം-മറന്നു-
മുറിച്ചു മാറ്റിയും പിഴുതെടുത്തും ---
മുടിക്കെട്ടില്‍ നീയൊളിപ്പിച്ച
മുത്തിനും വൈഡൂര്യത്തിനും
ആര്‍ത്തി പൂണ്ടു മാന്തി പോളിച്ചിട്ടും--
കരഞ്ഞീല നീ പക്ഷെ !
പക്ഷെ ഇനി എത്ര നാള്‍ ?
ഇനിയെത്ര നാള്‍ ബാക്കി
നിനക്കിവിടെ സഹി കെടുമ്പോള്‍
വരുന്നോരപസ്മാരത്തിന്റെ
താപമറിയാന്‍???
ചുടല നൃത്തത്തിന്‍
താള മറിയാന്‍ ? ??
സുരേഷ് മേനോന്‍ ,
പൂര്‍വ്വ വിദ്യാര്‍ഥി,
ദീപ്തി ഹൈസ്ക്കോല്‍ താലോര്‍ ,തൃശൂര്‍
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ