ഇവരെഴുതുന്നൂ പരീക്ഷകള്‍
കടലാസില്‍
ജീവിതപ്പരീക്ഷകളേറെ കടന്നവര്‍
തഴക്കം വന്നവര്‍
പുകയടുപ്പിനു മുമ്പില്‍
പുകയും നെഞ്ചകം കണ്ടവര്‍
തെറിയുടെ താരാട്ട് കേട്ടുറങ്ങിയോര്‍
വ്യാധികള്‍ നിസ്സംഗരാക്കിയവര്‍
അച്ഛന്‍ കൊരുക്കുമമ്പുകളില്‍
പിടയുമമ്മയെ കണ്ടവര്‍
വീണ്ടെടുത്തവര്‍
അമ്മ ചേക്കേറും പുതുകൂട്ടിലിടം
കിട്ടാതെ കുഴങ്ങുവോര്‍
തനിയ്ക്ക് താന്‍ മാത്രം തുണയായവര്‍
രണ്ടാനമ്മ നല്‍കും വാക്കിന്‍ കയ്പ്
ചുണ്ടിലൊളിപ്പിച്ച് വച്ചവര്‍
പാതി തളര്‍ന്നോരച്ഛന്റെ ഭാഗ
മഭിനയിച്ചു തളര്‍ന്നവര്‍
ജീവിത വഴിയിലിടയ്ക്കൊക്കെ
വഴിതെറ്റി നടന്നവര്‍
പൊലിപ്പിക്കും കാഴ്ചകളില്‍
മനസ്സുടക്കി നിന്നവര്‍
ജീവിതമേ പരീക്ഷയാകും
ഇവര്‍ക്കത്രേ ഈ കടലാസ്സു പരീക്ഷ
ഇവിടെ ഞാനാര് ?
ഞാനോ അധ്യാപിക ?
ഇതോ അധ്യാപനം ?
പ്രസീദ . പി .മാരാര്‍
ജി .എച്ച് .എസ്സ് .എസ്സ് അഞ്ചേരി
9 അഭിപ്രായങ്ങൾ:
ithethra sathyam? valare valare nallath
ithalle sathyam ? nandi
പരീക്ഷയെന്ന ജീവിതകയത്തില്‍ തെന്നിവീഴുന്നവരും,കരപറ്റുന്നവരും...
ഓണാശംസകള്‍
" തെറിയുടെ താരാട്ട് കേട്ടുറങ്ങിയോര്‍
വ്യാധികള്‍ നിസ്സംഗരാക്കിയവര്‍ "
കുട്ടികള്‍ പറയുന്ന തെറികള്‍ അധ്യാപകര്‍ പലപ്പോഴും കേള്‍ക്കാറുള്ളതാണ്...എന്നിട്ടും അവരോട് സഹാനുഭൂതിയോടെ പെരുമാറുന്ന എല്ലാ അധ്യാപകര്‍ക്കും സുന്ദരമായ ഓണാശംസകള്‍...
ഇതാണ് കവിത...
അനുഭവങ്ങള്‍ എഴുതിച്ച കവിത....
ഇവരെഴുതുന്നൂ പരീക്ഷകള്‍
കടലാസില്‍
ജീവിതപ്പരീക്ഷകളേറെ കടന്നവര്‍
ഇത്തരം കുട്ടികളെ പഠിപ്പിക്കുന്ന ടീച്ചര്‍മാരേ നമസ്ക്കാരം....
നേര്‍ത്തെ കിട്ടിയിരുന്നെങ്കില്‍ അധ്യാപക ദിനത്തിന് സ്ക്കൂളില്‍ ചൊല്ലാമായിരുന്നു...
sathyam parayunnu
കവിത ശക്തമാണെന്നതിന് വേറെ എന്ത് സാക്ഷ്യം വേണം ?
പരീക്ഷയ്ക്ക് കുട്ടികളെ നോക്കുന്ന അധ്യാപകര്‍ എന്തെല്ലാം അറിയുന്നു എന്നത് അത്ഭുതം ഉണ്ടാക്കുന്നു...മറ്റ് ജോലി വിഭാഗങ്ങളേക്കാള്‍ അധ്യാപനം മഹത്വമാണ്.....
ഒരു അഭിപ്രായം പോസ്റ്റ് ചെയ്യൂ