വയലിന് വരമ്പത്തു ചടഞ്ഞിരിക്കും
ചേറില് പുരളുന്ന കാളതന്
കളിയാട്ടമോര്ത്തു രസിച്ചിരിക്കും
കാതരമോര്മ്മതന് താളത്തിലാടുന്ന
ഞാറിന് ചുവടുകള് കണ്ടിരിക്കും
കാളിമ ചുറ്റിയ പാടത്തിന് പഴമയില്
പച്ചപ്പരപ്പിന്റെ ഊയലാട്ടം
ഓര്ത്തു രസിക്കുമാ ക്കിഴവന്
വരമ്പത്തിടിഞ്ഞു ചിരിക്കയായി
"എന്താണ് കോമാ" മാലോകര് ചൊല്ലുമ്പോള്
കണ്ണില് ഉപ്പു പൊടിഞ്ഞതെന്തേ ?
ആരാരും കണ്ടീലാ....ആരാരും നോക്കീലാ....
പുഞ്ചയ്ക്കു കൈച്ചാലു വറ്റിയില്ലേ ?
കാലത്തിന് നീരും കരിഞ്ഞതില്ലേ ?
നീലിമ.കെ എസ്സ്
ക്ലാസ്സ് 9. ഡി
സെന്റ്: ജോസഫ് സി .ജി .എച്ച് .എസ്സ് .കാഞ്ഞൂര്
എറണാങ്കുളം
1 അഭിപ്രായം:
നല്ല ആരോഗ്യമുള്ള കവിത പ്രോത്സാഹിപ്പിക്കപെടേണ്ടതാണ്..ആശംസകൾ
ഒരു അഭിപ്രായം പോസ്റ്റ് ചെയ്യൂ